GROENHEIDE BOEKE

— Agatha van der Merwe —

Uitverkoop

Uitverkoop

Agatha van der Merwe
GSSR · No. 5

Die oggend wat Dwayne die bewustelose vrou uit die see gered het, het sy hele lewe verander. Sy het aan geheueverlies gely, so Dwayne het haar maar May gedoop en haar laat help op sy seiljag met die verfilming van ’n reeks oor die kuslyn. Dit is wanneer Dwayne se verloofde vir May uitken as haar vriendin, Vanessa, maar May self aandring dat haar regte naam Adelaide is, dat Dwayne ondersoek begin instel. Hulle vind uit dat haar naam werklik Vanessa is, en dat sy met ene Morné getroud is. Die polisie toon egter meer belangstelling in die beeldmateriaal vir die program as in wat daardie oggend met Vanessa gebeur het, selfs toe sy spoorloos verdwyn en Morné ontken dat hy ooit getroud was.

– Lees ‘Hoofstuk 1’ aanlyn!

E-BOEK (DRM-VRY)

E-boek beskikbaar vanaf Amazon.com.

 
Seeprinses

Seeprinses

Agatha van der Merwe
Heideroos Romanse · No. 22

Naomi moet die onverklaarbare dood van dolfyne gaan ondersoek. Sy beland in die enigste gastehuis op ’n klein, afgeleë gehuggie, waar die ander gaste ’n klomp mans is wat heeldag visvang. Behalwe die geheimsinnige Herman wat dalk net te veel in haar werk belangstel. Dit blyk gou dat die taak nie so maklik gaan wees nie en dat visvang is nie al waarmee die mans hulself besig hou nie, tot so ’n mate dat Naomi se ontluikende gevoelens nie net verraai word nie, maar dat sy naderhand ook in lewensgevaar verkeer.

– Lees ‘Hoofstuk 1’ aanlyn!

GEDRUKTE BOEK

R 50.00

0 IN MANDJIE

Eerste uitgawe, eerste druk, 2021.

Sagteband, 18.5cm × 12.7cm, 166 bladsye.

ISBN: 978-1-928482-27-7.

E-BOEK (DRM-VRY)

E-boek beskikbaar vanaf Amazon.com.

 
Op Gister se Spore

Op Gister se Spore

Agatha van der Merwe
Heideroos Romanse · No. 19

Amelia word ingelig dat sy is die erfgenaam van ’n plaas in Ierland. Aangesien haar lewe nie te vlot verloop nie, besluit sy om sak en pak ’n nuwe begin in ’n nuwe land te gaan maak. Die aankoms is egter nie soos sy verwag het nie en word Amelia uit noodsaak gedwing om vir eers te loseer by haar toekomstige buurman. Hy reken egter dat alles is nie pluis met die erflating nie en begin ondersoek instel. Om alles te kroon, is Amelia skielik seker dat haar erfplaas tans bewoon word deur die misbaksel wat jare gelede haar lewe verwoes het.

– Lees ‘Hoofstuk 1’ aanlyn!

GEDRUKTE BOEK

R 50.00

0 IN MANDJIE

Eerste uitgawe, eerste druk, 2020.

Sagteband, 18.5cm × 12.7cm, 170 bladsye.

ISBN: 978-1-928482-21-5.

E-BOEK (DRM-VRY)

E-boek beskikbaar vanaf Amazon.com.

 
Droomvrou

Droomvrou

Agatha van der Merwe
Heideroos Romanse · No. 16

Deal Apteek benodig ’n voltydse boekhouer en Marlize is perfek vir die werk. Sy kan egter nie verstaan waarom Deon, die een apteker en mede-eienaar, konstant fout vind met wat sy doen nie, wanneer hy oor die algemeen vriendelik is met die ander personeel. Dis ook nie asof sy ogies maak vir hom nie, want Marlize weet beter as om met getroude mans te lol. Dinge bereik egter breekpunt wanneer Marlize se narsissistiese eks-verloofde, Paul (nou getroud en met ’n kind), by haar begin vlerksleep en almal by die apteek vir Marlize oordeel omdat sy toegee aan sy opdringerigheid. Sy besluit dat vlug en verdwyn is die enigste oplossing. Tog kan sy nie die mense van Deal Apteek heeltemal agterlaat nie, veral nie toe Deon se lewe ingrypend verander nie.

– Lees ‘Hoofstuk 1’ aanlyn!

GEDRUKTE BOEK

R 40.00

0 IN MANDJIE

Eerste uitgawe, eerste druk, 2020.

Sagteband, 18.5cm × 12.7cm, 180 bladsye.

ISBN: 978-1-928482-12-3.

E-BOEK (DRM-VRY)

E-boek beskikbaar vanaf Amazon.com.

 
Antoni se Laaste Vlug

Antoni se Laaste Vlug

Agatha van der Merwe
Heideroos Romanse · No. 13

Vir jong Nikita voel dit soos die einde van haar wêreld toe Antoni in ’n vliegramp sterf. Sake vererger soos sy betrek word by die duistere gebeure wat aanleiding gegee het tot die ongeluk – soos die versteekte kluis in ’n pakkamer. Renier, ’n suksesvolle besig­heidsman, ontferm hom oor haar situasie, maar voer ’n opdraande stryd om haar hart te wen. Te veel belange is op die spel en die ondersoekspan krap onder elke klippie.

Sake bereik breekpunt wanneer Antoni se ware lewe aan die lig kom en Nikita besef dat sy het nooit werklik haar broer geken nie. Met alles verlore, moet sy op Renier vertrou of is hy ook net besig om haar te gebruik?

– Lees ‘Hoofstuk 1’ aanlyn!

GEDRUKTE BOEK

R 40.00

0 IN MANDJIE

Eerste uitgawe, eerste druk, 2019.

Sagteband, 18.5cm × 12.7cm, 168 bladsye.

ISBN: 978-1-928482-07-9.

E-BOEK (DRM-VRY)

E-boek beskikbaar vanaf Amazon.com.

 

— Binnekort —

As Maskers Val
Roepstem van die Hart
Onder die Sekelmaan