Anria Breed

Nuwe vrystellings

Die nuutste boeke uit my pen – en wat binnekort kom.

Nou beskikbaar

Heideroos Romanse · Boek 37 ·

Die Roos op Lagenis

Helen werk by 'n gastehuis op Lagenis toe sy onverwags oog in oog kom met die man wat agt jaar gelede vir haar suster se dood verantwoordelik was. Hy onthou nie die skaam twaalfjarige meisie van destyds nie. Die verlies het baie lewens gevorm, maar Helen is vasbeslote om die verlede agter te laat en haar eerste ware liefde 'n kans te gee.

Nou beskikbaar

Heideroos Romanse · Boek 35 ·

Sonder om te Groet

Liam ontmoet Marlie by haar neef, sy drinkmaat, en kan haar nie uit sy gedagtes kry nie. Sy is getroud en hy probeer sy afstand hou, maar 'n motorongeluk bring hulle onverwags bymekaar. Dan vertel Marlie hom dat haar huwelik eintlik 'n sakeooreenkoms tussen haar man en haar pa is.

Nou beskikbaar

Emma Roux · Boek 7 ·

Die Geheim in die Gisterboks

Emma grawe 'n houtkis by die Kombrink-herehuis uit, maar voor sy dit kan oopmaak, vra Liam haar hulp om 'n vermiste familielid te vind. Haar soektog verbind die kis se inhoud, die vermiste man en 'n onopgeloste moord van jare gelede. Twee onheilspellende ouer mans wil hê sy moet ophou krap – en Emma, Hestine en Liam roep speurder Steenkamp se hulp in.

Binnekort

Nuwe titels word hier aangekondig sodra hul vrystellingsdatums bevestig is.

Wil jy eerste weet? Volg my op Amazon, dan stuur Amazon vir jou ’n kennisgewing wanneer ’n nuwe boek verskyn.

Volg Anria op Amazon (maak in ’n nuwe oortjie oop)