GROENHEIDE BOEKE

http://groenheide.co.za/reeks/ebjqmx-heideroos-romanse/

Gekopieregte materiaal – Slegs vir persoonlike of opvoedkundige gebruik.

— Heideroos Romanse —

Skoenpolitoer vir die Liefde

Skoenpolitoer vir die Liefde

Anria Breed

Nicolette het ’n oordeelsfout gemaak.

Nou, nege maande later, verander haar eensame bestaan op verskeie vlakke wanneer sy saam met die geheimsinnige man in woonstel ‘16’ afry in die hysbak en in kraam gaan. Hy help haar om by die hospitaal te kom en, alhoewel hy na die tyd baie behulpsaam en ordentelik optree teenoor haar en haar klein babatjie, kan Nicolette nie anders as om te dink dat hy meer soek as net vriendskap nie. Geen man is so goed en verdraagsaam nie, veral nie teenoor ’n enkelma van ’n pasgebore baba nie! En wat is nogal die kastige ‘projek’ wat hy alewige as verskoning gebruik waarom hy nie gereeld kan kom kuier nie?

Nicolette se verstand sê dat hy haar net aan ’n lyntjie hou vir ingeval, maar haar hart skree LIEFDE!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2019.

Sagteband, 18.5cm × 12.7cm, 176 bladsye.

ISBN: 978-1-928482-01-7.

 
Slaaisous vir die Liefde

Slaaisous vir die Liefde

Mary Sadler

Al wat Froon Froneman wil doen is om die wêreld se armes en straatkatte te voed met oorskietkos uit sy restaurant. Vir meisies het hy nie tyd nie, totdat hy hom in Mart vasloop – klein, maer Mart wat lyk asof sy lanklaas ’n ordentlike bord kos ingekry het. Amper ongemerk begin die twee se stryd om mekaar se harte, waarin Froon gedwarsboom word deur sy familienaam en Mart deur ’n persoon uit haar verlede wat onverwags opdaag. Dan is daar nog die skatryk Vanessa wat Froon as haar verloofde opeis, ’n kletsende kerkkraai, ’n gesteelde trofee en die slaaisous wat vir Froon beroemd gaan maak …

Is liefde sterk genoeg om ongeskonde deur meer moeilikheid as waarop albei bedag is, te kom?

– Lees ‘Hoofstuk 1’ aanlyn!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2019.

Sagteband, 18.5cm × 12.5cm, 176 bladsye.

ISBN: 978-1-928482-00-0.

 
Liewer ’n Stalkneg

Liewer ’n Stalkneg

Mary Sadler

Toe Ronèl se lieflingperd verkoop word sien sy net een pad oop vir haarself: sy moet saam met hom gaan om te keer dat hy mishandel word oor die een fout wat hy het. So beland sy op Norval Equestria, die spoglandgoed van haar droomheld, die kampioenruiter Lourens Norval en kom al die eerste dag voor raaisels te staan wat haar dronkslaan. Hoekom koop Norval ’n perd wat gebore is vir dressuur, terwyl hy mik na die Olimpiese skouspringtoernooie? Hoekom moet Blazoen ’n ander naam kry? Wat weet die opperkneg Jackson? Hoekom tree die ander stalknegte so vreemd op? Wat het gebeur in die versteekte hutjie in die bosse? En om alles te kroon: hoekom verander die onbeskofte Norval se houding teenoor haar ewe skielik? Iets is nie pluis nie.

Ronèl en haar nuwe vriendin Janet span saam om die geheime te ontrafel, wat lei tot ’n ontstellende klimaks in die skouspring-arena.

GEDRUKTE BOEK

R 60.00

0 IN MANDJIE

Eerste uitgawe, eerste druk, 2018.

Sagteband, 18.5cm × 12.7cm, 144 bladsye.

ISBN: 978-1-920709-48-8.

 
Katrien

Katrien

Anria Breed

Katrien staan op trou met ’n man wat haar alles sal gee. ’n Maand voor die bruilof verklaar hy egter dat hy wil nooit kinders hê nie. Ten einde hierdie toekomstige leemte in haar lewe te verwerk, gaan stap Katrien in die berge. Daar word sy beseer toe sy gly en val, maar word gehelp deur ’n eksentrieke bergman en sy hond.

Katrien moet nou besluit of sy vir altyd in ’n weelderige, maar kinderlose huwelik wil wees, en of sy alles moet laat vaar om uit te vind wie is die aantreklike bergman wat homself so afsonder van die wêreld.

– Lees ‘Hoofstuk 1’ aanlyn!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2018.

Sagteband, 18.5cm × 12.7cm, 172 bladsye.

ISBN: 978-1-920709-47-1.

 
Machinatie

Machinatie

Gerrie Oosthuizen

Elize het haar man verloor in ’n verdagte bootongeluk. Die versekering betaal teësinnig uit en Ruan Vorster word aangestel om die saak verder te ondersoek.

Alles is duidelik nie pluis nie, want Elize tree op asof sy kranksinnig word. Ook weier sy om die versekeringsgeld te aanvaar. In ’n poging om agter die kap van die byl te kom nooi Ruan haar om saam met sy suster en dié se verloofde ’n langnaweek op sy wildplaas deur te bring. En dis dan wanneer Ruan ontdek dat Elize se eienaardige gedrag te make het met ’n persoon wat direk betrokke was by die ongeluk: ’n handlanger, of dalk haar oorlede man se spook?

– Lees ‘Hoofstuk 1’ aanlyn!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2018.

Sagteband, 18.5cm × 12.7cm, 188 bladsye.

ISBN: 978-1-920709-46-4.

 
Nooientjie van My Drome

Nooientjie van My Drome

M. Strydom

Agtienjarige Tita Verster is die probleemkind van Kroondorp. Marius de Wet, die jong plaaslike dokter, vermoed dis omdat sy deur haar ma verwaarloos is, en ontferm hom oor haar as interessante ‘geval’. ’n Ramp van ’n partytjie laat Tita egter so ver in haar dop terugkruip dat Marius alle moed verloor.

Totdat iemand uit sy eie verlede opdaag wat Tita se toekoms ook wil verander …

– Lees ‘Hoofstuk 1’ aanlyn!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2018.

Sagteband, 18.5cm × 12.7cm, 140 bladsye.

ISBN: 978-1-920709-45-7.

E-BOEK (DRM-VRY)

Laai GRATIS af:pdf

 
My Lewe in ’n Tas

My Lewe in ’n Tas

Anria Breed

Na jare van weghardloop besef Miena dat sy moet terugkeer na die huis waar sy grootgeword het, om haar verlede te konfronteer.

Daar ontmoet sy Dawid, wat nie haar verlede ken nie. Hy stel ook nie daarin belang nie, maar Miena is bang dat sy hom sal verloor as hy weet wat daardie aand, agt jaar gelede, gebeur het.

– Lees ‘Hoofstuk 1’ aanlyn!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2018.

Sagteband, 18cm × 12.7cm, 180 bladsye.

ISBN: 978-1-920709-44-0.

 
“x no”

“x no”

Mary Sadler

Al wat in die pad van Olga se vurige liefde vir die skool se sportheld Michael staan, is sy meisie, die pragtige Kayla. Hoe kan sy by haar verbykom? Kayla, wat vir haar aaklike sms’e stuur en hul klasmaats teen haar opsteek. Olga moet iets doen toe “x no” nie meer genoeg is nie. Gaan Plan D slaag waar Planne A, B en C misluk het? Maar vir Plan D moet sy ouboet Nico se hulp inroep, wat nie baie lus is daarvoor nie – en intussen is daar Michael se beste vriend, die bleeksiel Hennie, wat op haar verlief is, ’n meisierugbyspan, ’n nasionale wiskundekompetisie en ’n paar porsies poeding om sake nog moeiliker te maak.

– Lees ‘Hoofstuk 1’ aanlyn!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2018.

Sagteband, 18cm × 12.7cm, 136 bladsye.

ISBN: 978-1-920709-43-3.

 
Terugreis na Môre

Terugreis na Môre

Gerrie Oosthuizen

Suné is vyftig jaar oud en eensaam, totdat sy op aandrang van haar kinders op ’n safari-tog na Zambië gaan. Sy maak kennis met haar agt mede-toergangers, en word veral beïndruk deur die aantreklike Bart Jacobs, ’n wewenaar-sakeman met sielewroeging. Alle geheime drome wat sy ondanks haar teenstand begin koester vervaag egter wanneer hul vliegtuig in die wildernis neerstort en die nege reisigers in ’n stryd om oorlewing betrokke raak. Tog bly die vlammetjie van liefde in Suné brand …

– Lees ‘Hoofstuk 1’ aanlyn!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2018.

Sagteband, 18.5cm × 12.7cm, 168 bladsye.

ISBN: 978-1-920709-42-6.

 
Hemelsblou & Seegroen

Hemelsblou & Seegroen

Mary Sadler

Tanya is daarvan oortuig dat haar ouers gaan skei en dat dit haar skuld is. Hoe kan sy dit keer? Haar pa sê hierdie vakansie by die see is hul laaste, die tyd raak min! Daarby dring haar beste vriendin aan op ’n vakansie-romanse – as sy net geweet het hoe. Haar planne loop een vir een skeef en daarby kom krap die aantreklike Rick ook nog die pot deurmekaar met ’n agenda van sy eie. Tanya vind uit wat liefde is, en ’n hele paar ander goed op die koop toe.

– Lees ‘Hoofstuk 1’ aanlyn!

GEDRUKTE BOEK

R 60.00

0 IN MANDJIE

Eerste uitgawe, eerste druk, 2018.

Sagteband, 18.5cm × 12.7cm, 136 bladsye.

ISBN: 978-1-920709-40-2.